Ден на органодарителството – програмата за трансплантација е проширена

На денот на органодарителството министерот за здравство и националниот координатор за трансплантација соопштија дека програмата е проширена освен на бубрези, сега има листи за чекање за донирање на црн дроб, коски и ткива, срце. И покрај ковид кризата нема да дозволат другите болни да се соочуваат со проблеми. Успешната трансплантација на срце од починат донор во мај годинава дава резултати.

Националниот координатор д-р Мојсовска најави дека во среда би требало да се изведе уште една трансплантација на бубрези со жив донор, но тоа зависи од состојбата со ковид-19, а операцијата ќе се изведе почитувајќи ги сите протоколи во болнички услови.

„Започнато е да се работи на отворање на банка за донирање на коски и ткива, што може да се употребуваат за трансплатанција, а центарот би бил Мајчин дом“.

Мирјана Давидовска