Дебар и неколку населени места утре шест часа без струја

Поради планирани прекини утре (2 јули) шест часа без напојување со електрична енергија ќе биде речиси цел Дебар и неколку населени места.

- Во периодот од 8 до 14 часот прекин во снабдувањето со електрична енергија ќе има во град Дебар, освен  дел од населба „Венец" и околината на Дебарското Езеро. Без струја ќе биде и село Бањиште, бањскиот локалитет „Дебарско Бањи-Цапа, во истото село, како и граничниот премин „Блато", информираа од Регионалниот центар за управување со кризи-Дебар.

Без струја ќе бидат и општинската зграда, Општата болница со проширена дејност и Одделението за внатрешни работи, населено место Бомово и бензинската пумпа на Макпетрол.

-Прекинот е поради планирани технички зафати на електро-мрежата. Ги замолуваме граѓаните за разбирање и препорачуваме навремено прилагодување на дневните активности, се наведува во објавата.

Непланиран прекин во снабдувањето со електрична енергија ќе има во селата Гари, Лазарополе, Тресонче, Селце и Осој.