Данската телевизија ТВ2 отвори дописништво во Дамаск

Данската телевизија ТВ2 денеска објави дека отвори дописништво во главниот град на Сирија, Дамаск. ТВ2 ќе биде единствен западен медиум, со постојано новинарско присуство во Дамаск.

Микел Херц, директор на вестите на телевизијата, со седиште во Оденсе, централна Данска, изјави дека по „долг процес“, медиумот добил дозвола да работи во Сирија.

Долгогодишниот воен дописник Расмус Тантхолд изјави дека тоа е „добра појдовна позиција за филтрирање на пропагандата, која доаѓа од сите непријателски страни во сирискиот конфликт“.

Дописништвото на ТВ2 е на 15. кат во зграда во Дамаск, а таму ќе работат Тантхолд, оператор и продуцент.