Данска гради прв енергетски остров
Данска одобри план за изградба на првиот енергетски остров во светот, во Северното Море, кој ќе произведува и складира доволно зелена енергија за потребите на три милиони европски домаќинства за електрична енергија.
Вештачкиот остров, со големина од 18 фудбалски игралишта, ќе биде поврзан со стотици турбини на ветер и ќе обезбеди енергија и за домаќинствата и за индустријата.
Тој ќе биде поврзан со повеќе европски земји.
Планот доаѓа паралелно со најавата за амбицијата на Европската унија за трансформација на електроенергетскиот систем, кој во рок од десет години треба да се потпира на обновлива енергија и зајакнување на капацитетот на ветерните електрани.
– Ова е голем момент за Данска и глобалната зелена транзиција, рече данскиот министер за енергетика Дан Јоргенсен.
– Енергетскиот јазол во Северното Море ќе биде најголемиот градежен проект во данската историја, додаде тој и додаде дека изградбата на островот ќе чини речиси 34 милијарди долари.
Ново на Сител
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера
-
Во Кочани одбележана 119-годишнината од загинувањето на Никола Карев
-
Сончево со мала до умерена облачност, следува период на релативно топло време
-
Саливан: САД засега немаат системи за противвоздушна одбрана „Патриот“ кои би можеле да ги испратат во Украина
-
Земјотрес со јачина од 6,9 степени по Рихтеровата скала го погоди југозападниот дел на Јапонија
-
Промовирана новата генерација полициски службеници
-
Претрес во Штип, пронајдена дрога