Дачиќ ја отфрли можноста Косово да стане членка на Советот на Европа
Српскиот министер за надворешни работи Ивица Дачиќ денеска ја отфрли можноста Косово да стане членка на Советот на Европа.
- Косово не е држава и со тоа не ги исполнува основните услови за да стане членка на Советот на Европа. Косово не ги исполнува основните принципи и стандарди на Советот на Европа во поглед на заштитата на човековите права, демократијата и владеењето на правото, изјави Дачиќ, откако косовскиот вицепремиер Енвер Хоџај најави дека Косово во текот на декември или на почетокот на јануари ќе поднесе барање за прием во Советот на Европа.
Хоџај изјави дека Косово ќе го иницира приемот во декември, или најдоцна во јануари. Според косовскиот портал „Лајм“, Хоџај рекол дека Косово може да стане членка на Советот на Европа во рок од две години, имајќи предвид дека во претстојниот период претседавачи со Советот ќе бидат главно држави кои ја признале независноста на Косово.
- Процесот би подразбирал исполнување на критериуми во областа на владеењето на правото и човековите права, додаде Хоџај.
Одлуката за прием на Косово би требало да ја донесат Комитетот на министри и Парламентарното собрание на Советот.
Ново на Сител
-
Приведени две лица во Чашка за поткуп при избори
-
Приведени две лица поради основи на сомнение за поткуп при избори во Чашка
-
САД со визни рестрикции за раководители на бродски компании од Колумбија кои превезуваат нелегални мигранти
-
Бајден разговараше со Нетанјаху и ја повтори загриженоста на Америка поради инвазијата врз Рафа
-
Три лица во Прилеп истепале 20-годишник
-
Скопјанец нападнат од маж и жена во автобус
-
Малолетник избоден во Куманово
-
Од среда до викендот нестабилно со пороен дожд и грмежи