Црна Гора: Потврден случај на лептоспироза во Бијело Поље

Во Бијело Поље, Црна Гора, потврден е првиот случај на лептоспироза, болест која се пренесува од заразени животни на луѓе, потврди денеска црногорскиот Институт за јавно здравје.

Како што е наведено, од 2015 до мај 2025 година, во Црна Гора се регистрирани 18 случаи на оваа заразна болест, но нема пријавени смртни случаи. Ова, како што нагласија, укажува на тоа дека болеста е под контрола кога навремено се дијагностицира и лекува, пренесува РТЦГ.

Најголем број случаи вкупно 61 процент, се регистрирани во Подгорица, додека останатите случаи се во Бијело Поље, Беране, Даниловград, Будва, Улцињ и Тузи.