Четворица загинати во пожарот на Кипар
Во катастрофалниот пожар загинаа четири лица, а веројатно станува збор за египетски работници, кои од вчера попладне се водеа за исчезнати и се трагаше по нив, соопшти утрово кипарскиот министер за внатрешни работи Никос Нурис, јави дописничката на МИА од Атина.
Ситуацијата со пожарот што изби вчера, утрово е подобрена со само две активни жаришта, а Нурис истакна дека постои умерен оптимизам, иако временските услови и ветерот не им помагаат на пожарникарите.
-Ова е најкатастрофалниот пожар од формирањето на Република Кипар, како во однос на материјална штета, така, за жал и со човечки жртви, рече Нурис во изјава за медиумите и додаде дека денеска биле пронајдени јагленосаните тела на четворицата исчезнати.
Кипар вчера побара помош од Израел и Европската унија, а Израел и Грција испратија воздушни средства, кои според министерот за внатрешни работи, околу 14 часот ќе им се придружат на десетте кипарски авиони.
Πортпаролот на кипарската Влада Мариос Пелеканос рече дека од двата канадери што ги испрати Грција, едниот се вратил назад поради технички проблем, Израел испратил два авиони, а се чека известување за воздушните средства што треба да пристигнат од Италија.
Според кипарските медиуми, осум села, во текот на ноќта беа без електрична енергија, од вчера попладне евакуирани се повеќе делови зафатени од пожарот, а во текот на вчерашниот ден беше уапсен 67-годишен маж под сомневање дека палел сува трева во неговата нива и го предизвикал пожарот што брзо се прошири.
Во катастрофалниот пожар со периметар од околу 35 километри, предизвикана е материјална штета на домови и автомобили, а кипарските сили од копно и воздух се обидуваат, огнените јазици да ги стават под контрола.
Ново на Сител
-
Аврамовска Мадиќ: Излезноста на внатрепартиските избори за претседател на СДСМ 54 отсто
-
Деспотовски најави приговори за изборите за претседател на СДСМ
-
За ниедни пари не би пеела за партија | Лара Иванова | ПРОфесија | Sitel Podcast 049
-
Французите масовно гласаат во првиот круг од парламентарните избори
-
Гувернерот на Истанбул ја забрани Парадата на гордоста, го затвори центарот на градот
-
За влез во земјава на „Табановце“ се чека два часа, на останатите премини околу еден час
-
Два хеликоптера на МВР вклучени во гасењето на пожарот кај Василево
-
Најмалку 18 лица загинаа, а 30 се ранети во три напади на жени бомбаши самоубијци во Нигерија