Червар им заблагодари на помладите, од утре ги очекува интернационалците

 

 

Очекувано, Червар им се заблагодари на петмината млади ракометари, кои беа на поширокиот список и тоа: Мартин Манасков, Стефан Дрогришки, Ивица Лазаревски, Борче Соколов и Бојан Блажевски .

 

Нивните места од утре ќе почнат да ги пополнуваат искусните интернационалци: Борко Ристовски, Наумче Мојсовски, Кире Лазаров, Миркуловски и Велко Маркоски.

 

Од утре доаѓаат интернационалците и нема да можам да работам со 28 ракометари на тренинг.  Имаме пред нас сериозен предизвик, најважно е да ја елиминираме Чешка. Не е толку битно како ќе играме и што ќе играме, битно е да се пласираме на СП, а по тоа ќе смислуваме што понатаму - изјави Лино Червар.

 

Веќе утре Червар на располагање ќе ги има Лазаров, Мојсовски, Маркоски, Марковски и Прибак, а ден подоцна (вторник) ќе се приклучат ракометарите кои играат во Бундес лигата, Борко Ристовски и Филип Миркуловски, додека составот ќе биде комплетиран во среда кона на останатите ќе им се приклучи Ацо Јоновски.