Царовска во изолација: Нема да учествува на расправата за матура во Собранието

Министерката за образование Мила Царовска е во изолација поради контакт лице заразен со вирусот Ковид-19.

Поради тоа, таа утре нема да учествува на расправата за моделот за полагање на државната матура. Клубот за младински прашања и политики за утре закажа расправа на која матурантите, МОН и Бирото за развој на образованието ќе ги спротивстават аргументите.

-Поради контакт со позитивно лице министерката е во изолација, а на јавната дебата за државната матура организирана од Клубот за младински прашања и политики на Собранието ќе учествува претставник од МОН, велат од Образование.

Матурантите велат дека добиле поддршка од 70 пратеници во Собранието за изгласување на предлог-измените во Законот за средно образование кои ги поднесе опозициската ВМРО-ДПМНЕ. 

Со овие предлог-измени во услови на пандемија, односно оваа и евентуално следната учебна година матурантите ќе полагаат два наместо четири предмети.

 Претходно неделава, средношколците се сретнаа со премиерот Зоран Заев. По средбата и Владата, но и средношколците соопштија дека е можен компромис за ова прашање.

Даниел Василев