Браната „Паљурци“ се полни, земјоделците задоволни

Земјоделските производители од општина Богданци денеска повторно добија вода за наводнување на посевите од браната „Паљурци“.

Со одлука на Министерството за животна средина донесена синоќа поради протестите на земјоделците од Богданци, од утрово „Паљурци“ се полни со 600 литри вода во секунда од хидросистемот за „Спас на Дојранското езеро“ кај селото Ѓавото.

Земјоделците изразија задоволство, но напоменаа дека ова е вторпат за последниот месец да се интервенира со полнење на браната. Се сомневаат, како што рекоа, дека водата некаде се краде од диви приклучоци, од страна на земјоделци и фирми на пат од хидросистемот до браната.