Бесими: Компаниите кои ќе инвестираат во развој, нема да ги враќаат средствата од финансиската поддршка за плат

Компаниите нема да ги враќаат средствата од финансиската поддршка за исплата на плати за февруари и март, доколку ги инвестираат во наредниот период за раст и развој, без разлика дали ќе остварат добивка или загуба на крајот на годината.

Ова е новина во петтиот пакет антикризни мерки што денеска ја објави министерот за финансии Фатмир Бесими на прес-конференцијата во Владата на која беше презентиран најновиот пакет економски мерки.

– Новината која овој пакет ја носи е дека без разлика дали покажуваат загуба или успех, 50 проценти од субвенциите согласно законот треба да го вратат следната година, освен доколку тие средства ги инвестираат во раст и развој во наредниот период. Фокусот е на инвестициите и растот покрај поддршката на закрепнување на економијата и на приватниот сектор, рече Бесими.

За мерката за финансиска поддршка за исплата на плати за февруари и март предвидени се 1,92 милијарди денари. Се очекува месечно да бидат опфатени по 60 илјади работници, а финансиската поддршка ќе биде скалеста и ќе изнесува од 14.500 до 21.776 денари по вработен.

Како критериум за доделување на мерката ќе биде економснкиот резултат, односно падот на приходите во ноември и декември 2020 и јануари 2021 во однос на ноември и декември 2019 и јанаури 2020 година.