БЕГ: Од утре почнува регуларниот период од грејната сезона во Скопје
Од утре почнува регуларниот период од годинашнава грејна сезона кога испораката на топлинска енергија до потрошувачите се врши по строго утврдени правила и дијаграми во зависност од атмосферските услови и надворешните температури што се утврдени во регулативата за испорака на топлина до потрошувачите одобрена од Регулаторната комисија за енергетика (РКЕ), соопштува БЕГ.
Оттаму прецизираат дека согласно утврдените павила, доколку надворешните температури се пониски се испорачува поголемо количество топлинска енергија и обратно, така што домовите на корисниците треба дабидат загреани со температури не пониски од 20 +1 степен Целзиусов.
- Во исто време, со овие правила и дијаграми на испорака се обезбедува оптимална потрошувачка на топлинска енергија и минимални можни трошоци за греење на корисниците. При одредени атмосферски услови на доволно топло време кога не е потребно никакво греење, се прекинува испораката на топлинска енергија во периодите на високи надворешни температури, а веднаш по намалувањето на надворешните температури под определените вредности, греењето повторно се вклучува, прецизираат од БЕГ.
Потсетуваат дека оваа година грејната сезона почна пред 15 октомври, кога согласно регулативата во одредени денови заради наглото заладување и просечни дневни температури пониски од 12 степени, РКЕ даде одобрение за испорака на топлина за да се обезбеди потребниот комфор на потрошувачите.
За сите детали за испораката на топлинска енергија, потрошувачите на БЕГ може да се информираат на веб-страницата www.beg-snabduvanje.com.mk (Мрежни правила за дистрибуција на топлинска енергија Прилог 3), или да се обратат до Центарот за грижа за потрошувачи на телефонскиот број 3076-200 или преку е-пошта на: contact@beg-snabduvanje.com.mk.
Ново на Сител
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот
-
Малолетник претепан од три лица во Гази Баба
-
Малолетници фрлиле во височина соученик во тетовско училиште
-
Данска испраќа нов пакет воена помош за Украина во вредност од 750 милиони евра
-
Демири: Ако го суспендирав директорот на Токсикологија пред избори, ќе го сфатевте како политичка кампања