Барселона го сака Марез

Европскиот првак Барселона се интересира за Ријад Марез и за неговите услуги може да издвои 15 милиони фунти.

 

Англиските медиуми објавија дека тренерот на Барселона, Луис Енрике, побарал од раководството да го донесат Алжирецот во летниот преоден рок. Енрике верува дека, Марез брзо би се вклопил во неговата тренерска филозофија.

 

Прашање е само дали Лестер ќе биде задоволен со споменатата сума, која Барса ја нуди како обештетување. Марез е лидер на тимот и е еден од најдобрите тројца играчи во Премиерлигата оваа сезона. 

 

Овој фудбалер во Лестер пристигна во 2014 година од Авр за сума од само 400.000 фунти.

 

Марез во досегашниот тек од сезоната во Премиерлигата има учинок од 15 голови и 11 асистенции.