Ауди излетало на автопатот Скопје-Куманово, повреден возачот

Автомобил „ауди А6“ со скопски регистарски табличко управуван од скопјанецот К.М (1990), утрово во 9.30 часот, излетал од автопатот Скопје-Куманово во близина на Агино Село, соопштија денеска од кумановската полиција.

 

Возилото се движело од Скопје кон Куманово и откако излетало од автопатот удрило во дрвја. Патничкото возило е однесено на технички сервис, а увидот што го врши СВР Куманово ќе ги покаже причните за  сообраќајна несреќа.

 

Од Итна помош Куманово информираат дека интеревнирале на сообраќајната несреќа и дека возачот е префрлен на хирургија. Во автомобилот имало и сопатник кој не е повреден. Сообраќајот на автопатот се одвива непречено.