Асад не ја исклучува можноста за воена интервенција од страна на Саудиска Арабија или Турција

Не е исклучена можноста дека Саудиска Арабија или Турција би можеле да покренат воена интервенција против мојата земја, изјави денеска претседателот на Сирија Башар ал Асад. 

Во интервју за Франс прес, кое го пренесува БТА, Асад нагласи дека „не се исклучува таква интервенција“, но истакна дека и неговите вооружани сили „сигурно ќе се спротистават на тоа“. 

 Главната цел на сириските вооружени сили во северната провинција Алепо е да го пресечат пристапот кон турската граница. 

- Главната битка се води за пресекување на патот меѓу Алепо и Турција, бидејќи за Турција тоа е главен канал за снабдување на терористите, наведе Асад.