Апокалиптични снимки од Германија: Надојдена вода носи се пред себе!
Во силното невреме што во последните 24 часа погоди големи делови од Германија, а во изминатата ноќ на удар беше нејзиниот јужен дел, загинаа најмалку три лица, соопштија денес властите.
„Најмалку три лица ги изгубија животите во поплавите предизвикани од силното невреме“, соопшти министерството на сојузната покраина Баден-Вуртемберг, која е најтешко погодена од невремето.
Во соопштението се истакнуваат и „големите материјални штети“ од поплавите и надојдените води. Како „особено трагичен“ е истакнат инцидентот во Швабиш Гмунд каде загинал еден пожарникар на задача, и едно лице кое се обидело да му помогне. Третата, засега непозната жртва, животот го загубила кога водата надошла во подземна гаража.
Најмногу проблеми предизвикуваат реките Ремс и Јозефбах кои по вчерашното невреме поради обилните дождови ги преплавиле своите корита.
Метеоролозите очекуваат смирување на невремето дури утре, додека денес на удар треба да биде западот на Германија, каде се очекуваат нови невремиња со дожд и град.
Снимката од местото Хал во покраината Баден Вуртемберг покажува каллива надојдена вода која се движи со голема брзина и носи сѐ пред себе. Предизвикана е голема материјална штета која допрва ќе се проценува.
На одредени места нивото на водата достигнало неверојатно седум метри.
Ново на Сител
-
На ГП Табановце за влез и излез од државата се чека по околу половина час
-
Зеќирија Ибрахими е нов претседател на Алтернатива избран на вонредниот конгрес во Куманово
-
Кратово блесна во полн сјај на првата фестивалска вечер од ЗЛАТНИ ДЕНОВИ КРАТОВО 2024 | ФОТО
-
МВР го барала да го уапси, а тој пробал да лета преку аеродромот во Скопје
-
Повреден германски параглајдерист - Летал над Крушево
-
ДКСК: Го следиме именувањето на в.д. директори во државните институции, ќе реагираме ако има неправилности
-
Даути избрана за генерален, а Јајага за организациски секретар на АА
-
Следува период на многу топло време со температури до 40 степени