Англискиот Супер куп за Арсенал по изведување пенали

Екипата на Арсенал триумфираше во англискиот Супер куп откако попладнево на Вембли го победи Челзи по изведување на пенали со тоа освојувачот на ФА купот беше подобар од првакот на Англија во натпреварот што значи старт на новата сезона во англискиот фудбал.

 

Првакот Челзи поведе на почетокот на вториот дел со голот Виктор Мозес во 46.минута, а изедначи Сеад Колашинац во 82.минута. Откако во регуларниот дел беше 1:1 се изведуваа пенали. 

За Арсенал сите изведувачи беа прецизни: Тео Волкот, Начо Монреал, Окслајд Чемберлен и Оливие Жиру, додека за Челзи гол од пенал постигна само Гери Кејхил, а непрецизни беа Тибо Куртоа и Алваро Мората.