Ана Дурловски - национален уметник за 2015 година

Ана Дурловски е добитникот на годинашното највисоко признание во областа на културата, титулата национален уметник.

Како што соопшти Министерството за култура, за титулата пристигнале четири иницијативи, од ЈУ „Младински културен центар“ за Никола Маџиров, од НУ „Македонска опера и балет“ за Ана Дурловски, од НУ „Албански театар“ за Бајруш Мјаку, како и од „Хуманитарно друштво Хендикепирано лице од Скопје“ за Ремзи Бела.

Согласно извештајот доставен од Комисија за утврдување национален уметник во состав: академик Катица Ќулафкова, академик Газанфер Бајрам, проф.м-р. Јана Андреевска, Оливер Белопета и Раде Силјан, Маџиров и Дурловски ги исполнувале општите и поединечните критериуми зацртани во законот.

- Ценејќи го творештвото на двајцата кандидати, Комисијата едногласно донесе одлука Ана Дурловски да го понесе признанието национален уметник, информира Министерството.