Американските воени сили не успеале да ги заштитат Американците во Бенгази

Американските воени сили не успеале да ги заштитет четворицата Американци  кои беа убиени во нападот врз Конзулатот на САД во Бенгази, се вели во извештајот на американскиот Конгрес, за инцидентот од 2012 година.

Во извештаојот, администрацијата на претседателот Барак Обама е критикувана за отсуството на заштита и за бавната реакција по нападот врз Американците.

Во овој извештај нема нови наоди за лошото работење на Хилари Клинтон, која во тоа време беше државен секретар на САД, а која сега е најверојатен кандидат на Демократската партија за претседателските избори во ноември годинава.

Тешкиот инцидент во Бенгази подолго време фрла сенка врз работата и однесувањето на Клинтон, како член на админстрацијата на претседателот Обама, нанесувајќи и штета во досегашниот тек на избрната кампања.

Група исламистички милитанти, извршија терористички напад врз комплексот згради на САД во Бенгази, во првата година од пост Гадафи Либија. Во нападот беа убиени четворица Американци меѓу кои и амбасадорт Крис Стивенс.

Н почетокот од оваа година, Хилари Клинтон учествуваше во 11 часовното испрашување пред членовите на еден комитет во Конгресот, преземејќи ја врз себе одговирноста за нападот.

Американските воени сили на критиките реагираа со оправдување дека немале разузнавачки сознанија , за да можело доволно брзо да реагираат.

Во претходниот извештај на Конгресот се вели дека не биле соодветни безбедносните мерки на Стејт департментот, но нема обвинувањее за Клинтон, затоа што таа никогаш нема побарано намалување на безбедносните мерки за дипломатите, ниту има одбиено барање за нивна засилена заштита.