Александар Вучиќ едногласно реизбран за лидер на Српската напредна партија

Александар Вучиќ денеска едногласно е реизбран за лидер на Српската напредна партија (СНП) на првото отчетно-изборно собрание на партијата по изборите во април, на кои освои убедливо мнозинство, пренесе Танјуг.

Пред околу 4.000 делегати на собранието Вучиќ изјави дека СНП во последните неколку години се докажа како најодговорниот политички фактор во земјата, ставајќи ја Србија над своите партиски интереси.

-Храброста е тоа што ги разликува сериозните политички партии од оние кои кратко се појавуваат на сцената и постојат само заради себе самите, изјави Вучиќ.

Тој вети дека и во иднина партијата нема да се впушта во празни прикаски, туку ќе се концентрира врз поголемата ефикасност и уште понапорна работа.