Ахмети за претседателските избори: Утре ќе се сретнеме со Заев

Али Ахмети на прес-конференцијата што ја имаше со новинарите после средбата со албанскиот министер за надворешни работи зборуваше и за политичката ситуација во земјата како и потенцијалниот консензуален кандидат за претседател. Тој рече дека утре ќе одржи средба со лидерот на СДСМ, Зоран Заев, и овој проблем, како и сите други проблеми ке добие разрешница.

„Утре ќе оствариме средба со лидерот на СДСМ, Зоран Заев, за да му се даде правец и на овој проблем, не помалку важен за земјата. Утре ќе разговараме долго и широко и за ова, и сигурен сум дека ќе најдеме решение“, рече лидерот на ДУИ, Али Ахмети.