АФД бара рехабилитација на нацистички термини

Лидерката на партијата Алтернатива за Германија (АФД), Фрауке Петри, која со својата националистичка и антиемигрантска политика стана трета најсилна политичка сила во земјата, бара рехабилитација на термините кои биле често користени од страна на германските неонацисти.

По интервјуто за весникот „Велт ам Зонтаг“, во кое побара зборот „фолкиш“, кој интензивно го користеле медиумите под контрола на Хитлер да не биде табу тема, таа се соочи со сериозни критики во јавноста, јави дописникот на МИА од Берлин.

Зборот, кој се користел и во името на весникот на Неонацистичката партија „Фолкишер Беобахтер“. а кој значи припадник на одредена раса доаѓа од зборот „фолк“ што значи народ.

- Конечно треба да се вратиме на релаксиран нормален начин на комуницирање со нашата нација и користење на зборови како „фолк“ или негови деривати, изјави Петри, по што денеска беше цел на остри критики дека таа и нејзината партија отворено се залагаат за враќање на вредностите кои фи промовирале германските нацисти пред повеќе од 70 години.