Aбрамович се договорил со Конте

Сопственикот на Челзи, Роман Абрамович, потврдил дека наредната сезона менаџер на тимот ќе биде Италијанецот, Антонио Конте.

 

Изминатите недели медиумите шпекулираа дека италијанскиот селектор ќе пристигне на „Стенфорд Бриџ“, откако договорил тригодишна соработка.

 

„Потпишав договор со Антонио Конте. Хидинк сигурно ќе си замине, иако заврши одлична работа“, рекол Абрамович.

 

Хидинк, во декември, го замени Жозе Мурињо и тимот кој се наоѓаше во долниот дел од табелата го врати во борба за пласман во европските купови.

 

Конте, кој е поранешен тренер на Јувентус, пред да застане на чело на Челзи, ќе ја предводи италијанската репрезентација на Европското првенство.