5-годишно дете искасано од глава до стапала од бездомно куче во Тетово
Пет годишно дете од тетовска Мала Речица е тешко повредено од бездомно куче, и поради тоа има рани од каснувањето по цело тело, од главата па се до стопалата. Нападот се случил вчера претпладне, а околу 13 часот и 40 минути во СВР Тетово каснувањето го пријавил неговиот 57 годишен дедо.
Семејството реагира на тоа што во тетовската клиничка болница детото ја нема добиено вакцината против беснило која се дава при каснување од куче. Детото било однесено денеска во Скопје за да ја прими вакцината.
-Беше 10.30 часот пред портата кога го нападнале цел чопор на кучиња. Среќа што соседот успеал да ги избрка некако. Има каснување на цело тело, на око, на уше, на грбот, на раце и нозе, по телото. Не можев да го подигнам од што го болеше секаде. Во болница имаше шиење посебно на око, па кај друг лекар за лице, па друго место за грбот. Прими само една вакцина, а за другата против беснило мора да одиме во Скопје затоа што овде ја нема, изјави мајката Валбона Мемети.
Детето добило антитетанус, инфузија и антибиоцици, а во болничкиот извештај стои дека е консултиран инфектолог за антирабиес превенција. Потоа и дека се упатува на Клиниката за инфективни болести во Скопје, стои напишано на лекарскиот извештај.
Од раководството на тетовска клиничка болница доставија документ – договор за набавка, со кој тврдат дека има набавено таква вакцина и серум против беснило, но немаа одговор зошто детето за тоа е пратено во Скопје.
Во Тетово третман на бездомни кучиња има само во повремени периоди додека има средства за тоа кои ги издвојува општината. На 25 февруари Општина Тетово има склучено договор со ветеринарна амбуланта од Тетово во висина од 3 милиони денари за услуги во рок од една година. Сепак, веќе месец и половина амбулантата не ја врши таа услуга бидејќи средствата се потрошени.
-Со одредените средства се третирани околу 650 бездомни кучиња. Веќе месец и половина нема третман на бездомните кучиња, изјави Рами Селмани од ветеринарната амбуланта која го спроведуваше договорот.
СВР Тетово бележи 54 каснувања од бездомни куче кои се пријавени до нив во текот на 2021 година од жители на тетовскиот регион.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево