30 годишен велешанец фатен на дело како краде пари од црква

На 12.12.2022 во Велес, полициски службеници од СВР Велес го лишиле од слобода М.З.(30) од Велес.

Тој бил затекнат при обид да изврши кражба во црквата „Свети Спас“ во Велес. Исто така, по преземени мерки било констатирано дека тој на 10.12.2022 од истата црква одзел пари.

Лицето било задржано во полициската станица во Велес и по целосно документирање на случаите против него ќе биде поднесена соодветна пријава.