100-то, јубилејно финале за Надал

Рафаел Надал по двегодишна пауза избори пласман во финалето на Мастерс турнирот во Монте Карло. Шпанецот, в недела, ќе игра во своето јубилејно 100-то финале во кариерата.

 

Осумкратниот освојувач на титулата во Монте Карло, во полуфиналето славеше над Енди Мари. Мечот, кој беше наречен „финале пред финалето“, траеше речиси три часа, а Надал победи со 2:6, 6:4, 6:2.

 

Противник во финалето на шпанскиот тенисер ќе му биде победникот од второто полуфинале во кое ќе играат Французите Жо-Вилфред Цонга и Гаел Монфис.