Зидан го носи „затвореникот“ Рабио на „Бернабеу“
Шпански „АС“ пишува дека Адриен Рабио може да премине во Реал Мадрид.
Играчот од средниот ред на ПСЖ со месеци не е омилена личност во сегашниот клуб, бидејќи тој не сака да го продолжи договорот, а неговата мајка Вероник, која е и негов менаџер, прави се за да го прикаже како размазено дете.
На ПСЖ не му е потребен, навивачите испратија порака дека тој е на „црната листа“, а кога Патрис Евра ги навредуваше играчите од „Парк де Пренс“, откако беа елиминирани од Манчестер Јунајтед во ЛШ, Рабио го „лајкна“ на Инстаграм.
Во сето ова можност гледа Зинедин Зидан, бидејќи може да го доведе Рабио без надоместок со оглед на фактот дека има уште три месеци од актуелниот договорот со францускиот шампион.
На Реал Мадрид му се потребни освежувања, а Рабио, кој е повремен француски репрезентативец, не е прекумерен ризик со поглед на цената. Зидан би требало да излезе на крај сонеговиот карактер, особено ако го намали авторитетот на неговата мајка и менаџер.
– Јас не сакам да плачам за тоа или уште повеќе да го загрижувам Адриен, кој вели дека не е добро. Но овде допира до мојата човечка страна. Ние сме скромни. Можам само да кажам дека многу лошо се чувствува поради сето она што се случува. Адриен е затвореник. Дури и од страна на ПСЖ го чуваат како роб. Наскоро ќе биде на сув леб, водата и во зандана. Оваа околина е сурова, рече таа неодамна за „Екип“.
Ново на Сител
-
Скопјанец наплаќал паркинг на државно земјиште
-
Кривична пријава за тројца полициски службеници за „несовесно работење во службата”
-
Вратен и третиот мандат за формирање влада, следат нови избори во Бугарија
-
Ѓурчески: Се сомневам дека Данка е киднапирана, детално чешлање на сите криминалци во тој регион
-
Расчистена кражба во Гостивар
-
Сончево и топло до крајот на неделава со температури до 27 степени
-
Општините ќе одлучуваат дали ќе ги легализираат или рушат дивоградбите
-
Американската централна банка потврди рекордна загуба