Жариштето на гевгелиската депонија се уште тлее
Десетина дена по нејзиното прво разгорување, жариштето на депонијата за комунален отпад во Гевгелија се уште тлее, а чадот и понатаму им го отежнува дишењето на жителите од југоистокот на градот и веројатно на соседите од грчките села Евзони и Идомени кога дува северен ветер.
Депонијата синоќа повторно се разгоре, но по брза интервенција на пожарникарите и комуналните работници од Гевгелија огнот беше изгаснат, но третманот на жариштето продолжува и во текот на денот бидејќи борбата со чадот не се знае до кога ќе потрае.
Само во последната недела од март, на територијата на Општина Гевгелија биле регистрирани дури 14 пожари од кои најдолго огнената стихија се задржа на депонијата што три пати беше потпалувана.
Поради специфичноста на локацијата и наталожениот комунален отпад, гаснењето се одвивало отежнато поради што биле користени и посебни третмани за постапување во вакви случаи.
Додека чадот се уште се шири носен од ветерот, Општината веќе презема мерки за целосно заградување на депонијата, обезбедување само на еден влез, а воведе и постојано дежурство на депонијата.
Ново на Сител
-
Тајланд сака да биде домаќин на трка во Формула 1
-
Маж во САД ги убил сопругата и трите деца по што се самоубил
-
Наставниците во Тенеси ќе можат да носат пиштоли на училиште
-
Може да гласаат и граѓаните со истечени лични документи од 24 јули 2023 година
-
Упатство за гласање на претседателските избори
-
Отворени избирачките места, право на глас имаат 1.814.317 граѓани
-
Народниот правобранител со бесплатна телефонска линија за пријавување повреда на избирачко право
-
Граѓаните гласаат за седми претседател на државата