Жална вест - Почина проф. д-р Љубица Тодорова Јанешлиева
Вчера (17.01.2021) почина познатиот и угледен научен работник, истражувач, приредувач, преведувач и универзитетски професор, д-р Љубица Тодорова Јанешлиева. Родена е 1940 година во Белград. Дипломира на Универзитетот од Бристол, Велика Британија, магистрира на Универзитетот во Белград,а докторира на УКИМ во Скопје.
Таа е дел од групата на извонредни млади професионални кадри со кои се здобива Катедрата за анлиски јазик и книжевност, во 1960-те, а кои ги поставија темелите на современите студии по англиски јазик и книжевност и ги подигнаа на извонредно високо ниво.
Неуморниот истражувачки дух на проф. д-р Љубица Тодорова Јанешлиева е прикажан во објавените околу 80 научни и стручни трудови од областа на англистиката, американистиката и компаративна книжевност (студии, предговори и есеи) во книги, специјални едиции и периодични списанија во земјата и во странство, како и неколку преводи и приредени збирки на македонска и англиска поезија.
Својот работен век го помина на Филолошкиот факултет „Блаже Конески“, УКИМ, како професор по современа англиска и американска книжевност (Модерна англиска поезија, Модерен англиски роман, Британско - македонски културни и книжевни врски, Феминистичка теорија и критика и др.), но и како раководител на катедрата, продекан и декан на факултетот. Предавала и на Универзитетот во Братфорд, Велика Британија и Универзитетот на државата Вашингтон во градот Сиетл, САД. Последен поздрав со проф. д-р Љубица Тодорова Јанешлиева е закажан за 19.01.2021 година (вторник), во капелата на градските гробишта Бутел, од 11:30 до 12 часот.
Мирјана Јовеска
Ново на Сител
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење