Земјоделците од дебарско субвенционирани со 800 илјади евра
Земјоделците од општините Дебар и Центар Жупа, деновиве почнаа на своите сметки да ги добиваат средствата за финаниска подршка за минатата година.
- Субвенции лани оствариле 833 земјоделци и сточари, како и 150 млекопроизводители од двете општини. Ним во вкупен износ ќе им бидат исплатени околу 800 илјади евра, вели Арбен Муладаути, овластен раководител на дебарската подрачна единица на Министерството за земјоделство, шумарство и водостопанство, која со својата активност ја покрива и општина Центар Жупа.
Според него и на годинешниот оглас за добивање субвенции, лично во Подрачната единица или по електронски пат се добиени речиси идентичен број барања како и лани.
- Освен земјоделци од општините Дебар и Центар Жупа за првпат барања во нашата подрачна единица можеа да доставуваат и земјоделци од подрачјето на Река (општина Маврово Ростуше). Тоа им беше овозможено поради фактот што Дебар им е поблиску од Гостивар, па и трошоците за патување се помали, додава Муладаути.
Субвенциите за секоја тековна година се исплаќаат во следната година, бидејќи потребна е нивна обработка, но и контрола на прикажаната состојба.
Оваа поволност која ја дава државата, оценува Муладаути позитивно влијае во зголемувањето на опфатот на земјоделските обработливи површини, како и зголемувањето на стадата овци во регионот.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.