Здружението за цистична фиброза бара регистер

Потребен е регистар на болните од цистична Фиброза заради поефикасен третман. Здружението за ЦФ апелира да се изготви што поскоро бидејќи станува збор за неофицијален број од 150 лица во Македонија , за кои е неопходно лекарите и здружението да знаат во која насока се движат проблемите за навремено и соодветно да реагираат. Оваа ретка болест  напаѓа повеќе органи кај заболените и се потребни различни лекови за нивно лекување.

Бојчин вели конечно позитивен исчекор во третманот е направен со отворањето на Центарот  за ЦФ според сите европски стандарди кој е сместен во рамки на клиниката во Козле. Пациентите треба да знаат дека отсега таму ќе имаат посоодветен третман и во соби со изолација. За прв пат се ангажирани и пулмолози кои ќе им помагат за време на терапијата. Вклучени се и физиотерапевти што значи дека ќе се намали и потребата од примање антибиотици.  

Болеста е вродена и ретка. Најчесто на удар се белите дробови. Просечниот век на болните во Македонија е дупло помал од просекот во Европа каде е 35 години.