Завршува 47. фестивал „Илинденски денови“ во Битола
Со настап на ансамбли од Чиле, Чешка, Словенија, Хрватска, Грција и од Македонија, во античкиот театар на Хераклеја Линкестис денеска завршува 47. Фестивал на народни песни и игри „Илинденски денови“.
Од Центарот за култура-Битола, организатор и домаќин на фестивалот, информираат дека по синоќешната вечер на староградска музика и игра, следува завршна интернационална вечер и доделување на фестивалските награди и признанија.
- Посебно го истакнувам интернационалниот дел на фестивалот кој е пример и вистинска слика за тоа како треба да се чуваат и негуваат традиционалните вредности. Во таа смисла голем дел од македонските ансамбли треба да земат пример од тие играорни групи. Генерално, организацискиот одбор немаше лесна задача, но искрено им честитам за вложениот труд и одличната организација на фестивалот. Нашата критичка мисла ќе послужи за подобар квалитет и сметам дека ансамблите треба да инвестираат во инвентивноста на традиционалните вредности, рече меѓудругото Благица Илиќ, член на стручното жири, професорка во ДМБУЦ „Илија Николовски Луј“ во Скопје.
На интернационалната вечер ќе настапат АФС „Франце Маролт“ од Љубљана, Словенија, ансамблот „Филои Тис Парадосис“ од Кожани, Грција, ФА „Пол’ана“ од Брно, Чешка, КУД „Петар Прерадовиќ“ од Ѓурѓевац, Хрватска, ансамблот „Лос дел Био Био“ од Консепсион, Чиле, и ансамблот „Македонија“ од Скопје.
Фестивалот на народни песни и игри „Илинденски денови“ се одржува под покровителство на Собранието на Република Македонија и со поддршка на Министерството за култура.
Ново на Сител
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар