Заврши гласањето на болните и изнемоштени лица во општините Могила и Новаци
Општинските изборни комисии од Могила и Новаци соопштија дека заврши гласањето на болните и изнемоштени лица од тие општини за вториот круг од локалните избори.
До ОИК-Могила пристигнаа девет барања од исто толку болни и изнемоштени лица за гласање во вториот круг од изборите за градоначалник, истакна Славко Велевски, претседател на ОИК-Могила.
- На сите лица им овозможивме да го остварат своето демократско право на избор. Постапивме според законската процедура и сите пријавени гласаа со што гласањето за денес е завршено. Утре во општина Могила ќе се гласа на 23 избирачки места, а според единствениот избирачки список евидентирани се 5.520 гласачи, потврди Велевски.
Гласањето на болните и изнемоштени лица заврши и во општина Новаци.
- За вториот круг од локалните избори за градоначалник на општина Новаци, до ОИК-Новаци пристигнаа осум уредни барања и на сите болни и изнемоштени лица им овозможивме да гласаат. Утре од 7 до 19 часот ќе се гласа на 24 избирачки места, а право на глас имаат 3.076 полнолетни лица, посочи Стевче Стевановски, претседател на ОИК-Новаци.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри