Запленети 31,3 килограми марихуана во Охрид
Вкупно 31,345 килограми марихуана се откриени и запленети при претрес на барака во близина на автокампот „Андон Дуков“ во Охрид, во акција на Одделот за криминалистичка полиција при МВР заедно со СВР Охрид.
Како што информира МВР, акцијата била реализирана вчера во близина на автокампот „Андон Дуков“, по претходно добиена судска наредба. Бил извршен претрес во метална барака во приватна сопственост во близина на кампот, каде се затекнати две лица од Охрид, а откриени се и четири најлонски вреќи со црна боја, во кои што имало 16 најлонски паковки со опојна дрога марихуана во вкупна маса од 31,345 килограми.
Лицата се лишени од слобода, и од извршените проверки е утврдено дека во моментот тие биле на издржување затворска казна во Казнено поправна установа Струга, а претходно осудувани на казни затвор во траење од шест и пол, односно шест години, за кривични дела од областа на недозволена трговија со дрога. Едното од лицата имал затворски статус на ангажиран работник во затворската економија со можност за секојдневно излегување, додека другото лице се водело како осуденик во бегство.
Ново на Сител
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово
-
Курти: Неизрекувањето санкции ја охрабрува агресивноста на Србија