Заменикот министер за животна средина на Грција си замина од настан во Турција поради изјавите на Ердоган
Грчката делегација предводена од заменикот министер за животна средина и енергија, Димитрис Иконому, во знак на протест ја напушти церемонијата за отворање на гасоводот ТАПАП во турскиот град Ипсала поради изјавите на претседателот на Турција, Реџеп Таип Ердоган околу договорот со Либија, јави дописничката на МИА од Атина.
Од Министерството за надворешни работи на Грција излегоа со соопштение во кое ги осудуваат изјавите и велат дека заминувањето на министерот било „природна последица и практична осуда на изјавите“.
-Жално е што турскиот претседател избра да претвори проект за мирна соработка во шоу на воена реторика и презир на меѓународниот легитимитет, велат од грчкото МНР.
Додаваат дека континуираните прекршувања од страна на Турција, некогаш во вид на закани, некогаш со практични прекршувања на меѓународното право, „ги поткопува стабилноста и интересите на сите народи во поширокиот регион“.
Според грчката новинска агенција АНА-МПА, Ердоган во обраќањето на свечената манифестација рекол дека договорот на Турција со Либија ќе помине од парламентот и ќе се спроведе и додал дека „некои сега ѝ се закануваат на Либија“, алудирајќи на Грција.
Заменикот министер за животна средина и енергија, Димитрис Иконому, за грчката телевизија „Скај“ рече дека за напуштањето на манифестацијата постоела одлука од претходно, доколку „Ердоган ги премине границите“.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.