Захариева: Софија и Атина се подготвени да му помогнат на Скопје за реформите
Бугарија и Грција се подготвени да и помогнат на Македонија за спроведување на реформите за отпочнување на преговорите за членство во ЕУ, изјави вицепремиерот и министер за надворешни работи на Бугарија Екатерина Захариева.
- Потребно е прво да се изгради доверба меѓу политичките раководства. Тие имаат долг пат и многу реформи за да започнат преговори за влез во Европската унија. Разговаравме со Грција и подготвени сме да испратиме експерти да и помогнат на Владата да ги спроведе неопходните реформи, рече Захариева во изјава за бугарското радио „Дарик“.
Според неа, пречка за приемот на Македонија во ЕУ беше „политиката на земјата која беше против соседите, против Бугарија, против Грција“.
- Поигрувањето со „ние сме најголемите“ не помага. Македонските граѓани сакаат да се интегрирани. Тоа е една од причините зошто се уште не ги започнале преговорите. Не постои можност европските држави да се согласат со таквата политика, рече Захариева.
Таа оцени дека новата македонската Влада има многу јасен план за реформи и се размислува наскоро да се одржи заедничка седница со бугарската Влада.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка