Заев-Мултановски: Полска продолжува со поддршката за евроатлантските интеграции на Македонија
Премиерот Зоран Заев денеска се сретна со Јацек Мултановски, амбасадорот на Република Полска во Македонија, чиј мандат завршува во земјата.
Изразувајќи благодарност за ангажманот, заложбите и поддршката на амбасадорот Мултановски, Заев го истакна придонесот на Полска за демократските процеси во Македонија, на патот кон остварувањето на евроинтеграциските цели на државата, соопшти владината прес-служба.
На средбата, двајцата соговорници истакнаа дека Полска и Македонија како пријателски земји се посветени на продлабочување на билатералната соработка во сите сфери и заклучија дека тоа е добра основа за интензивирање на односите, особено во областа на економијата, безбедноста културата, туризмот и други области од интерес за граѓаните на двете земји.
Амбасадорот Мултановски, оцени дека е импресиониран од напредокот што Македонија го постигна последната година, посебно околу договорот со Грција околу спорот со името и изрази задоволство од претстојната посета на премиерот Заев, кој заедно со владина делегација, на 27 јуни ќе отпатува во Варшава и ќе оствари средба со полскиот премиер Моравјецски.
Заев посочи дека Македонија ќе остане посветена на градење на пријателство и регионална соработка, подвлекувајќи дека Полска и Вишеградската група (В4), каде таа е членка заедно со Унгарија, Чешка и Словачка, е императив за тоа како се гради партнерство и напредок.
Истовремено, премиерот изрази надеж дека продолжувањето на заедничката соработка со Полска и В4 ќе придонесе за забрзување на европската интеграција, развојот, безбедноста и стабилноста на Македонија и земјите на Западен Балкан.
Премиерот Заев и амбасадорот Мултановски изразија уверување дека сите партнери и институции на двете земји, ќе ја продолжат одличната соработка и поддршката на пријателството меѓу граѓаните на двете земји, во насока на политичка стабилност и отворање можности за зголемување на економскиот развој на двете земји.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација