Заев: Македонија и БиХ имаат заедничка стратешка цел - влез во ЕУ
Македонија и Босна и Херцеговина немаат отворени прашања и билатералните односи се развиваат во нагорна линија во сите области. Двете држави испраќаат силна порака за регионална соработка.
Ова е оценката на македонскиот премиер Зоран Заев и претседателот на Советот на министри на Босна и Херцеговина Денис Звиздиќ дадена на заедничката прес-конференција по нивната денешна средба во Сараево.
Двајцата изразиле задоволство од подготвеноста да соработуваат на регионален план како основа за остварување на заедничката стратешка цел на двете држави – членство во Европската Унија.
Премиерот Заев нагласил дека денеска од Сараево е испратена силна порака дека БиХ и Македонија почнале регионална соработка утврдена на Самитот за Западен Балкан во Трст и оти ја покажуваат на дело со потпишувањето конкретни меморандуми и договори коишто се од значење за граѓаните на двете држави.
Заев и Звиздиќ истакнале заеднички став дека двете земји имаат многу особености што ги поврзуваат и оти тоа е уште предност повеќе за натамошно продлабочување на односите и можност за споделување искуства.
- Ние сме две земји што веруваат дека е огромно богатство и предност нашата мултиетничност, мултирелигиозност и мултикултурализам и дека тоа богатство претставува сериозна предност во нашиот напредок во севкупниот развој кој што го планираме за нашите земји. Верувам дека еднаквоста помеѓу различностите е темел на Европската Унија дека заедно ќе ја унапредиме. Пораката што сакам да ја испратам од овде од Сараево е дека доаѓа време кога политичар од еден етникум ќе се бори за унапредување на правата на граѓаните од друг етникум. Тоа е иднината којашто овој наш мултиетнички регион треба да ја има и да ја негува, нагласил Заев.
Двајцата изразиле задоволство од можноста повторно да се видат кога владина делегација на БиХ ќе ја посети Македонија и кога ќе може да се потврди реализацијата на договорените заеднички иницијативи, како што се олеснување на царинското работење меѓу двете земји, воспоставување на олеснети комуникациско-транспортни коридори, вклучувајќи и директна авио линија меѓу Сараево и Скопје, меѓусебно признавање на возачките дозволи и други проекти договорени на оваа средба.
Двајцата испратиле порака до граѓаните за меѓусебни посети на Македонија и на БиХ.
Во рамки на посетата на БиХ потпишан е Меморандум за соработка во областа на земјоделството и Програма за културна соработка меѓу двете држави.
Македонската владина делегација, во чиј состав се и министерот за внатрешни работи Оливер Спасовски, министерот за земјоделство Љупчо Николовски, министерот за економија Бектеши Крешник, министерот за култура Роберт Алаѓозовски и министерот без ресор задолжен за дијаспората Едмонд Адеми имаа средби и со високи претставници на Претставничкиот дом на Парламентарното Собрание на Република Босна и Херцеговина, со Претседателството на Република Босна и Херцеговина, како и со лидери на одделни политички партии.
Во текот на попладнето, македонската делегација ќе го посети спомен обележјето во Ротимље, во чија близина трагично загуби поранешниот претседател Борис Трајковски и членовите на неговата придружба.
Македонската делегација во рамки на посетата на БиХ вечерва ќе престојува и во Мостар, каде што на претседателот на Владата Зоран Заев, ќе му биде врачена наградата „„Mostar Peace Connection“ и каде што ќе биде потпишан документот „Мостар повелба на мирот“.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка