Заеднички вежби на германската војска и полиција
Германската армија заедно со припадници на специјалните полициски сили денеска одржуваат заеднички антитерористички вежби во 6 германски покраини, објави магазинот „Шпигел“.
Како што јави дописникот на МИА од Берлин, во вежбите наречени „Гетекс“, што се одржуваат во покраините Баден-Виртенберг, Баварија, Бремен, Северна Рајна Вестфалија, Сарланд и Шлезвиг Холштајн се вклучени вкупно 360 војници.
Според локалните медиуми, војниците и полицајците увежбуваат операции поврзани со можни сценарија како користење на автоматско оружје во населени места, закани за поставен експлозив, напади од страна на индивидуалци на училишта и трговски центри, експлозии на аеродроми или опасност од користење на камиони за напад на цивили во пешачки зони.
Целта на вежбата е да се подобри комуникацијата и координацијата меѓу полицијата и војската на Германија.
Според германските устав вооружените сили можат да се користат само за заштита од надворешни закани а во земјата можат да се употребат само во исклучителни ситуации на барање на федералната влада.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација