За лежалка 120 евра и плаѓање за влез на плажа: Туристите шокирани од правилата за летување
Туристите кои летуваат во Хрватска забележале дека сѐ помалку плажи има на кои смее да се стави само пешкир и да се ужива во одморот без обврска за изнајмување на лежалка.
Во Хрватска минатата година забележани се маса примери како закупците ги бркаат луѓето од плажата доколку не сакаат да ги користат лежалките и чадорите за сонце, или пак распослале поголем број лежалки од дозволеното за да им оневозможат на туристите да испружат пешкири, пишува Курир.рс.
Токму затоа се случувало поголемиот број плажи да бидат полупразни.
Што се однесува до изнајмувањето на лежалки и чадори цената се движи од 5 до 20 евра, но тоа не е единствен трошок на поголемиот број плажи. На некои од нив се наплаќа и влез од 2 до 5 евра.
Веќе низа години најскапа хрватска плажа е Боњ на Хвар каде 30 евра се две лежалки и чадор.
Црна Гора сепак држи рекорд кога станува збор за најскапи лежалки, а тоа се однесува на Кралската плажа каде закуп на лежалка со чадор за сонце веќе неколку години наназад изнесува 120 евра.
Градначалникот на Будва, Драган Краповиќ најавил дека во оваа општина ќе се направат плажи на кои нема да мора да се изнајмат лежалки и чадори. Тој инсистира повеќето плажи да бидат ослободени и да станат градски плажи, па секој да може да дојде и да стави пешкир.
Доколку тоа се оставари туристите во ова популарно летувалиште во Црна Гора ќе имаат повеќе простор за пешкири на плажите кои инаку се натрупани со скапи лежалки.
Ново на Сител
-
Доларот зајакна петта недела по ред, порасна и цената на нафтата
-
Десет загинати во воздушен судар и уривање на два воени хеликоптери во Малезија | ВИДЕО
-
Северна Кореја извршила симулација на нуклеарен контранапад
-
Стапува во сила првиот билатерален Договор за стратешко партнерство меѓу ЕУ и Јапонија
-
Сообраќајот по влажни коловози, застои нема
-
Облачно со повремен пороен дожд и грмежи
-
Тошковски: Нова полициска станица во Кисела вода, за поефикасна полиција, побезбедни граѓани
-
Коалиција „Вреди“: Наши членови незаконски се задржани во полициска станица во Тетово