За 570 првачиња од општина Центар почна учебната година

Денеска е првиот училишен ден за 570 деца од Центар кои станаа првачиња во седум основни општински училишта.

Посакувајќи им успешна прва училишна година, градоначалникот Андреј Жерновски рече дека влегуваат во период кој ќе го паметат цел живот.

- Општина Центар и оваа година го продолжува проектот со кој на родителите им помага во растоварување на домашниот буџет. Наместо тие, општината ќе ги плати средствата за обезбедувањето, за хигиенски средства и за еднодневна екскурзија. Со ова полесно и заедно ќе ги пребродиме овие времиња, рече Жерновски.

На првачињата им подели и училишен прибор-подарок од општината.

Од општина Центар информираат дека бројот на првачиња во Центар во споредба со бројот од пред три години е зголемен за 75 деца.