Вучиќ со остар напад кон Ѓукановиќ и Курти за ширење „соголена омраза кон Србија и Србите“
Српскиот претседател Александар Вучиќ денеска ги обвини црногорскиот претседател Мило Ѓукановиќ и косовскиот премиер Албин Курти дека шират „соголена омраза кон Србите и Србија“ и дека имаат најизразена улога во кампањата на лаги против официјален Белград, јави дописникот на МИА од Белград.
-Не од вчера, најизразена улога во соголената омраза кон Србија ја имаат Албин Курти и Мило Ѓукановиќ. Се разбира, тие секогаш користат голи лаги за да се претстават како наводни жртви, а Србија како злобен агресор кој им се заканува, изјави Вучиќ.
Тој изјави дека тие двајца сега го искористиле „легитимното, целосно регуларно и транспарентно“ купување на одбранбениот кинески систем за противвоздушна одбрана ФК-3 за да му кажат на целиот свет дека Србија е кинески и руски пријател и некому му се заканува, иако се наоѓа во НАТО опкружување.
-Како тоа ние ги загрозуваме со одбранбено оружје? Затоа што тоа е систем кој служи за одбрана од крстосувачки ракети и авиони кои би го нарушиле воздушниот простор на Србија. Како тоа ние ги загрозуваме Приштина и Подгорица? Какви воздухопловни сили имаат, подобро ќе ни беше да купевме аутан-спреј, кажа тој.
Вучиќ ги критикуваше тврдењата на Курти дека Србија го купила тоа оружје затоа што е во паника да остане сама.
-Србија како воено неутрална земја е сама во целиот поширок регион. Во циркус сте виделе лавови, слонови, тигри, но никогаш волк самотник. Секогаш би бил волк самотник отколку бесрамна и неморална хиена, без разлика колку хиени има. Без разлика дали има три, пет, шест или 19… Хиени, барем треба да ја признаете крвожедноста, ако ништо друго. Уште полошо е да се биде мува која се врти околу хиената и чека да им донесе плен, како Курти и Ѓукановиќ, остро порача Вучиќ.
Тој оцени дека Курти и Ѓукановиќ имаат многу поголеми проблеми како криминалот, корупцијата и економијата.
Ново на Сител
-
СПМ поднесе кривична против поранешниот министер за внатрешни работи и други три лица за несовесно работење
-
Бојмацалиев: Над 100.000 граѓани ги чекаат личните документи пробиен е законски рок
-
Гласаат членовите на ИО кои заминуваат во странство заради спроведување на претседателските избори во дијаспората
-
Посебен сообраќаен режим викендов во Скопје поради предизборни митинзи
-
Единаесет лица се повредени во сообраќајка на бугарски автобус во Турција
-
Филипче: Можев да работам секаде по светот, решив да останам дома
-
Почина човекот што се самозапали пред судот во Њујорк каде што се води процесот против Трамп
-
Брнабиќ: Седница за измените за локалните избори во понеделник, дел од опозицијата ги поддржа овие измени