Вучиќ: Го ценам пријателството меѓу Србија, Албанија и Македонија
Српскиот претседател Александар Вучиќ обраќајќи се на онлајн панел-дискусијата „Економски форум на Делфи“ за пристапувањето на Западен Балкан во ЕУ, изјави дека во голема мерка го цени пријателството на трите држави, Србија, Албанија и Македонија, кои се на патот кон ЕУ и дека многу ја цени тешката, посветена работа на комесарот за проширување Оливер Вархеји.
Како што јави допсиникот на МИА од Белград, тој потсети дека Србија, Македонија и Албанија ја започнале иницијативата „Мал Шенген“ со цел да се овозможи слободен проток на луѓе, стоки и додаде дека е благодарен на ЕУ, која се залага за истите вредности.
-Гледаме дека треба да соработуваме не само за прашањето на економските односи, туку исто така сакаме да ги подобриме нашите односи кои имаат врска со инфраструктурата и поврзаноста, кажа Вучиќ.
Тој наведе дека политичката борба за младите и за генерациите што доаѓаат е најважна и дека таа може да се постигне само ако сите заедно соработуваат.
-Кога ќе кажам заедно, мислам на ЕУ и сите земји во регионот, кажа Вучиќ, додавајќи дека не постои одржлива иднина за народите, доколку младите немаат шанса да комуницираат со своите први соседи.
-Сакам владите од сите три земји да градат мостови на доверба и верба, а луѓето од нашиот регион тоа ќе знаат да го ценат, оцени Вучиќ.
На панелот за пристапување на Западен Балкан во ЕУ, каде говореа и еврокомесарот за проширување Оливер Вархеји, албанскиот премиер Еди Рама и поранешниот премиер на Македонија Зоран Заев, Вучиќ оцени дека Србија прави максимални напори на реформскиот пат во европските интеграции, во областа на владеењето на правото, реформите во економскиот сектор и во поддршката за слободни медиуми.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп