Вториот владин ешалон влезе во собраниска процедура
Премиерот Зоран Заев, по долги консултации меѓу владините партнери, попладнево во парламентот го достави списокот на зменици-министри, а седницата за нивниот избор се планира најрано за вторник.
Владејачкото мнозинство иако во понеделникот се комплетираше со 62 пратеници, сепак можно е да калкулира со терминот на седницата имајќи предвид дека пратеничка на ДУИ се породила пред само неколку дена што значи дека власта во Собранието повторно располага со минимумот од 61 глас.
Сппоред доставениот предлог. најголемата партија во Владата – СДСМ ќе има само три заменички места - за финасии Димитар Ковачевски, во министерството за информатичко општество и администрација – Александар Бајдевски кој и досега беше на оваа функција, и во земјоделие Трајан Димковски, кој досега беше министер во овој ресор.
По едно место во вториот владин ешалон ќе добијат помалите коалициски партнери – НСДП го презема заменичкото место во економија - наместо Кирил Колемишевски, сега заменик министер, ќе биде Зоран Маневски. ДПА го добива заменик шеф во дипломатијата – Фатмире Исаки. Демократски сојуз ќе добие заменичко место во локална самоуправа, а ДОМ во животна средина, и партијата на Турците во труд и социјална политика.
БЕСА пак, ќе добие заменичко министерско место во образование – Арафат Шабани и за култура – Седат Сулејмани.
ДУИ како што веќе беше објавено ќе добие 5 заменик министри. Од партијата досега ги брифираа следниве имиња: за внатрешни работи - Назим Буши од директорско место во ТЕЛЕКОМ, за правда - Агим Нухиу кој досега беше заменик во мвр, во одбрана –Башким Хасани од финансова полиција, за здравство - Илир Хасани кој беше директор на скопска клиника и за транспорт и врски - Беким Реџепи, поранешен член на Судскиот совет.
Катерина Нешкова
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка