Возило удри во семафор во центарот на Делчево
Возило удри во семафор во центарот на Делчево. Во моментот екипи на Полициското одделение од општа надлежност вршат увид на местото на несреќата, поради која сообраќајот во централното градско подрачје е во прекин.
-При несреќата срушен е мал пешачки семафор. Во несреќата нема повредени лица, а во моментот сообраќајот на потегот од населбата Милково Брдо кон центарот на градот е во краток прекин. Иако ова е меѓународен пат кој води до граничниот премин Делчево, сообраќајот на останатата делница се одвива во најдобар ред, соопштија од полицијата.
Очевидци велат дека возилото од непознати причини се забило во семафорот. Според нив остатокот од снег и лизгавиот коловоз би можела да биде причина за несреќата.
Ова е втор случај во Делчево да биде срушен семафор во сообраќајна несреќа. Во претходниот случај причина за несреќата беше пијанство кај лицето кое управувало со возилото. Од полицијата повеќе детали за случајот најавија во текот на вечерните часови.
Ново на Сител
-
Руски воен репортер загина во Украина
-
Претрес во Свети Николе, пронајдена дрога
-
Пожари на диви депонии во Желино и Боговиње
-
Приведен дилер во Охрид, пронајдена дрога
-
Вучиќ-О'Брајан: Различни ставови по прашањата за Косово и Сребреница
-
Шест деца и тројца возрасни загинаа во израелски напад во Рафа
-
Во вторник предизборен молк
-
СПМ поднесе кривична против поранешниот министер за внатрешни работи и други три лица за несовесно работење