Вонредна седница на албанскиот Парламент
По барање на албанскиот премиер Еди Рама, Парламентот на Албанија денеска попладне ќе одржи вонредна седница на која треба да се усвојат повеќе документи и одлуки околу спроведувањето на политичкиот договор, постигнат на 18 мај меѓу него и лидерот на опозициските демократи Љуљзим Баша.
Пратениците прво треба да го усвојат указот на шефот на државата во заминување Бујар Нишани за разрешување и именување на новиот вицепремиер и шестмината министри, кои врз основа на договорот, ќе бидат од редовите на опозицијата.
Се очекува да се расправа и да се усвои и пакетот закони поврзани со изборната реформа, избор на членови од опозицијата во трите „ад хок“ комисии за законите од правосудството, а ќе биде избран и нов претседател и еден член на Централната изборна комисија, кои ќе бидат предлог на опозициските партии.
Опозициската Демократска партија предлозите за техничкиот вицепремиер и шесте министри треба да ги достави до Рама до полноќ
Албанскиот претседател Бујар Нишани вчера официјално ги закажа изборите за нов состав на Парламентот на Албанија за 25 јуни.
Албанските опозициски партии досега одбиваа да учествуваат на изборите и дури не се ни регистрираа за претходно закажаните избори за 18 јуни, инсистирајќи на оставка на Кабинетот на Рама и на формирање на техничка влада, која според нив, би спровела „фер и демократски изборен процес“. Опозицијата, која уште од февруари ја бојкотира работата на Парламентот, ја обвинуваше Владата на Рама дека подготвува манипулации и измами на изборите.
Ново на Сител
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми