Волонтерска хуманитарната акција под покровителство на претседателот Пендаровски
Сопругата на претседателот Стево Пендаровски, Елизабета Ѓоргиевска, заедно со волонтери од партнерски организации, учествуваше во подготовка на хуманитарни пакети за поддршка на граѓаните од најранливите категории кои се во социјален ризик, погодени од кризата предизвикана од епидемијата на коронавирусот.
Пакетите беа подготвени во рамки на хуманитарната акција „Волонтираме за солидарно општество“, под мотото „Тука сме, ѝ служиме на заедницата, си помагаме едни на други!“ #ТукаСме #ЕдниЗаДруги.
Во проектот кој се реализира под покровителство на претседателот Пендаровски, партнерски организации се: Црвен крст на Република Северна Македонија, Иницијативата #РетвитниОброк, Здружението на граѓани за помош на бездомници, социјално загрозени семејства и поединци „Љубезност“, Здружението за хумано-општествен развој – Проект „Среќа“, како и „Храна за сите – Банка за храна“.
Кабинетот на Претседателот соопшти дека целта на хуманитарната акција е преку вклучување на граѓаните, општествено одговорните компании, граѓанските организации, дипломатските претставништва во земјава, како и меѓународните организации и институции, во согласност со своите можности и ресурси, заеднички да се даде неопходната помош на што поголем број наши сограѓани.
– Во досегашниот тек на хуманитарната акција „Волонтираме за солидарно општество“ се вклучија десетина општествено одговорни компании, едно дипломатско претставништво и граѓани. Приемот на производи се одвива секој понеделник и среда, а нивната дистрибуција до најранливите категории на граѓани се врши секој петок во канцеларијата на Претседателот „Млади хаб“, информира Кабинетот на претседателот Пендаровски.
Ново на Сител
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ