Воена вежба на јапонски и американски авиони во Источно Кинеско Море
Јапонски воени авиони денеска одржаа воздушна вежба заедно со американските бомбардери над Источно Кинеско Море, соопштија воздушните одбранбени сили на Јапонија (АСДФ).
Во вежбата учествуваа два бомбардери Б-1Б на американското воено водухопловство, кои полетаа од Гвам, каде е лоцирана американската воздушна база на Пацификот, на кои им се придружија два јапонски борбени авиони од типот Ф-15.
Вежбата се одржа кога Северна Кореја прославува Ден на државноста, а севернокорејските медиуми објавија соопштение со кое се повикува на зголемување нуклеарното оружје во знак на протест поради меѓународните санкции.
- Одбранбениот сектор во согласност со партиската политика (истовремено развивање на еконимијата и нуклеарното оружје), мора да произведува поголемо количество нуклеарно оружје, објави севернокорејскиот весник „Родонг Синмун“.
Северна Кореја петтата нуклеарна проба ја изврши на 9. септември минатата година, а шестата пред една недела. Севернокорејските медиуми тврдат дека е тестирана хидрогенска бомба, која би можела да се лансира со ракета. Тоа предизвика осуда од меѓународната заедница и апели за нови санкции кон Пјонгјанг.
Во денешниот телефонски разговор меѓу францускиот претседател Емануел Макрон со американскиот колега Доналд Трамп и јапонскиот премиер Шинѕо Абе потенцирано е да се интензивираат притисокот и санкциите кон Северна Кореја.
- Тројцата лидери ја истакнаа потребата за постигнување на единствена и одлучна реакција на меѓународната заедница кон Пјонгјанг, се посочува во соопштението од Кабинетот на Макрон.
Ново на Сител
-
Доларот зајакна петта недела по ред, порасна и цената на нафтата
-
Десет загинати во воздушен судар и уривање на два воени хеликоптери во Малезија | ВИДЕО
-
Северна Кореја извршила симулација на нуклеарен контранапад
-
Стапува во сила првиот билатерален Договор за стратешко партнерство меѓу ЕУ и Јапонија
-
Сообраќајот по влажни коловози, застои нема
-
Облачно со повремен пороен дожд и грмежи
-
Тошковски: Нова полициска станица во Кисела вода, за поефикасна полиција, побезбедни граѓани
-
Коалиција „Вреди“: Наши членови незаконски се задржани во полициска станица во Тетово