Во Загреб протести „за“ и „против“ абортусот
Во организација на Граѓанската иницијатива „Движење за животот“ на Плоштадот на кралот Томислав во Загреб изутрината околу десет часот се собраа неколку илјади противници на абортусот, а на соседниот Плоштад на Штросмајер се одржа контрапротест на кој се собраа околу стотици активисти, кои се залагаат за правото на избор, јави Хина.
Голем број учесници во собирот против аборутсот носеле маици и балони со црвена, бела и сина боја на кои пишуваше „Движење за живот“.
Според новинарските проценки во поворката имало околи три илјади лица, додека иницијативата соопшти дека имало околу 15 илјади граѓани. Меѓу учесниците беше и сопругата на премиерот, Сања Орешковиќ со ќерките.
Иницијативата ја сочинуваат повеќе католичко-конзервативни здруженија, меѓу кои и „Во име на семејството“, кое во 2013 година иницираше референдум за брак како заедница меѓу маж и жена.
Истовремено граѓанската иницијатива „Обрана на правото на избор“ одржа контрапротест, кој го поддржаа и претставници на опозициската Социјалдемократска партија.
Заговорниците на правото на абортус на својата главна бина поставија транспарент „Само во секуларна држава рамноправноста е можна и не сакаме назад кон илегален абортус“.
Учесниците во протестот против абортусот, кои тргнаа кон Плоштадот на бан Јелашиќ, на Плоштадот на Штросмаес беа дочекани со исвиркувања од страна на заговорниците на правото на абортус. Во еден момент дошло до меѓусебно туркање на спротивставените групи, но се минало без поголеми инциденти.
Двата протеста се обезбедувани од полицијата.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка