Во Турција издадени налози за апсење на 47 новинари
Турските власти денеска издадоа налози за апсење на 47 новинари, јави Си-Ен-Ен Турк.
Апсењата се во рамки на истрагата против лица поврзани со исламскиот проповедник Фетулах Ѓулен, кого Анкара го обвинува дека стои зад обидот за преврат, извршен од фракција во Армијата со цел да бидат соборени од власт претседателот Реџеп Тајип Ердоган и неговата Партија на правдата и развојот.
Новинарите работеле за весникот „Заман“, кој се поврзува со Ѓулен, а врз кој турските власти презедоа контрола во март, како дел од мерките против поддржувачите на исламскиот проповедник.
Полицијата упаднала во домот на еден од осомничените, Шахин Алпај околу шест часот днеска и по претресот на неговиот дом во центарот на Истанбул, кој траел околу два и пол часа, го привела.
По неуспешниот обид за преврат турските власти уапсија, почнаа судски процеси или отпуштија повеќе од 60 илјади војници, полицајци, судии, професори, државни службеници.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка